Lioness Rock Formation

 Lioness Rock Formation is another tourist spot in Bulacan, being known because of great photos uploaded on online blogs. It is where tourists can do a death defying poses and stunts, literally “On the Rock.” This rock formation is named because of its unique rock formation that looks like a “Lioness.” Not only that, in this area we can also find the Monkeys, Rhinos, and Korona rock formations.

Nagsimula ang aming pag-lalakbay sa SM Fairview na kung saan kami sumakay ng jeep patungong Brgy. Bigte, Norzagaray, Bulacan. Dapat wala pang isang oras ang aming naging byahe ngunit sa di inaasahang pagkakataon, naging mabigat ang daloy ng trapiko. Ang pamasahe ay nag-kakahalaga ng 30 pesos.

Bumaba kami sa tinatawag na Rutonda ng Brgy. Bigte, malapit sa palengke. Pag-katapos, sumakay kami ng traysikel patungong Iglesia ni Kristo na malapit sa Paaralang Elementarya ng Bigte, at doon nagsimula ang aming kakaibang karanasan.

 Ang daan patungong Lionese Rock Formation ay matatagpuan sa isang pribadong lote na pag-aari ng mga lokal. Ang lahat ng bisita ay inaasahang mag-paalam muna bago mag-simula sa pag-akyat. Ang daan ay maputik at masukal, kaya masusing pag-iingat ang kailangan. May mga kabataang nag-aalok maging guide sa bawat bisita at mas magandang kumuha ng guide dahil delikado ang bawat hakbang.

 Ang susunod namang bahagi ay ang simula ng pag-akyat sa mga bato patungong tutok ng Monkeys rock formations. Sabi ng aming dalawang guides, nag-mumukhang isang ungoy daw ang isang bahagi ng batong ito kaya tinawag na monkeys. Medyo mahirap ang parteng ito, dahil masusubukan ang lakas at tatag ng mga braso at binti ng mga umaakyat.  Ngunit ng marating ko ang tutok nito, nakita ko ang gandang itinatago ng Norzagaray, Bulacan.

Katabi naman ng monkeys, makikita naman ang kakaibang bato na kahugis ng isang Lion. Nakikita nyo ang mga larawan sa itaas at sa kanan? Para itong ulo ng tinaguriang hari ng kagubatan, diba? Ang nakakatakot lang, base sa aking obserbasyon, ang mga bato ay may malalaking crack na habang tumatagal mas lalong nawawala ang tibay nito, kaya siguraduhing tama ang bawat hakbang. Ang isang maling hakbang ay posibleng maging mitsa ng aksidente. 

Larawan sa Kanan: Ako yan habang ginagawa ang aking “Buwis Buhay Pose.” Sa unang tingin, maski sa ikalawa at ikatlong tingin, hangang may paningin ka, malalaman mo agad na isang imahe ng Lion ang bato, pero dito sa larawang ito, parang akong isang ibong nakatayo sa ulo ng Lion.

BABALA: Sa mga gustong mag-karoon ng mga magagandang larawan, dobleng ingat ang inyong kailangan, kapag malakas ang hangin at hindi kayo komportable, wag nang ituloy!

 Ang susunod na bahagi naman ay ang pag-baba mula sa tutok ng monkeys at Lioness rock formations. Ang parting ito mas mahirap ng kaunti kesa paakyat, marahil mas mahirap makita ang mga aapakang bato. Kaya dito nasukat kung gaanong katatag ang aking mga braso at binti.  Malaking tulong parin ang aking gloves na pang garden at aking sapatos na may makapal na sole. Iwasang mag-dala ng malalaking bag paakyat, katulad ni Te Bing (may pulang bag) na medyo nahirapan, hindi ko alam kung dahil sa bag o dahil maiksi ang mga biyas, kayo na ang mag-husga. Peace Te Bing!

At dahil may dalawang bisita at kanilang guide na nauna sa amin, pinili muna naming kumain ng tanghalian sa isang malinis at patag na lugar, bago umakyat ng Rhinos Rock formation. Wag nyong pahirapan ang inyong mga sarili kung bakit tinawag na Rhinos ang batong ito, mamaya malalaman nyo kung bakit. Sa ngayon, wala munang clue. Ilang minuto din kaming nag-pahinga habang nag-seselfie ang mga nauna sa amin.

 Nung mapansin namin na pababa na ang mga taong nauna, nag-simula narin kaming umakyat sa likod na parte ng Rhinos. Sa parteng ito naman, mas delikado dahil mas matutulis ang mga bato, ngunit mas simpleng ng kaunti, dahil mas maraming kakapitan. Ay may joke pala tungkol sa “kapitan:” may nag-tanong ng: “marami bang kapitan dyan?” Sumagot ang aming guide na si Amboy: “ay hindi po, isa lang po ang kapitan dito!” Sumagot naman ako ng: “Ah, talaga? Eh, Taga saan ba si kapitan?" Hahaha. Sama talaga ng ugali ko no? Binasag ko yung joke nya.

Siguro naman nakikita nyo ang larawan sa itaas, tama? Ito ang paliwanag kung bakit tinawag na Rhinos Rock Formation ang lugar nayan. Base na nakikita nyo, parang isang imahe ng Rhino ang hugis ng batong aking tinutungtungan. Ang butas sa bato ay nag-sisilbing mata ng Rhino, kaya. Ang larawan naman sa kaliwa ay kuha sa itaas na bahagi ng Rhinos, at sa nakikita nyo, matutulis ang mga batong aking kinaroroonan, kaya mas kailangan ang masusing pag-iingat. Pagkatapos ng Rhinos Rock Formations, isinunod naman namin ang Korona Rock Foramation. Ngayon, siguro naman hindi ko na kailangang ipaliwanag kung bakit tinawag itong Korona.

Nag-pahinga kami sa tutok nito ng ilang minuto hanggang sa abutan na kami ng ulan. Ambon lamang ang bumagsak, hindi namin alam na parating na pala si Bagyong Luis. Mas lalong naging delikado ang aming pag-baba dahil mas lalong naging madulas ang mga batong aming tinutung-tungan pababa. Pagkatapos ng mga rock formations, isinunod naman naming ang makasay-sayang kweba ng Norzagaray, click here: Pinagrealan Cave

Need to Consider:

Before reaching the peak of these rock formations, you need to consider different aspects. First will be your health, it is very important, especially if you have the fear of heights, do try it without harness or professionals. You are encouraged to invest for your outfit: rocks are sharp, so your shoes should be dependable and should fit for rock scrambling and climbing. Sole must be thick and can’t be penetrated easily by the sharp rock surfaces. Stretchable shirts and pants are necessary, so you’ll be comfortable in doing the rock scrambling. 

Gloves are needed here because majority of the rock surfaces are sharp, gardening gloves will do. You also need to bring sun block for your skin protection and to avoid skin damage, and insect repellent lotion to protect you from insect bites since the area has shrubs and grasses.  

Sa mga nag-babalak na umakyat sa mga batuhang ito, mas magandang mag-sama kayo ng guide. Sila kasi ang nakakaalam ng mga tamang batong hahawakan at aapakan upang maiwasan kahit papanu ang mga disgrasya. Ibayong pag-iingat ang kailangan!! Bale ang naging budget namin ay nasa 500 pesos lang, bonga diba!